Меню
Категории
Святкуючы юбілей ветэранскага руху
23.03.2012 Актуально


Урачыстасць з гэтай нагоды прайшла ў раённым цэнтры культуры і народнай творчасці ў мінулую пятніцу. На яе прыйшлі людзі, лёс якіх пазначаны быў ваенным ліхалеццем, аднаўленнем народнай гаспадаркі, працай у мірныя гады. Прыйшлі тыя, хто мае статус ветэрана. Прыйшлі, каб разам успомніць гады свайго юнацтва, калі ветэранскі рух толькі пачынаўся. І было гэта пасля вайны, калі магутны Савецкі Саюз перамог у Вялікай Айчыннай вайне. Затым былі падзеі, якія развалілі гэты Саюз, але ж ідэі ветэранскай салідарнасці засталіся непарушнымі. У выніку – юбілейная дата, якая адзначаецца незалежнай Беларуссю – 25 год ветэранскага руху.
Старшыня райсавета ветэранаў вайны і працы А. А. Мартынаў зрабіў даклад па тэме, дзе адлюстраваў напрацоўкі арганізацыі, павіншаваў прысутных з юбілеем. Ад імя раённай улады выступіла ўпраўляючы справамі райвыканкама В. М. Бялова. Яна ўручыла групе ветэранаў вайны і працы граматы і падарункі.
Старшыня райсавета дэпутатаў, старшыня раённай арганізацыі “Белая Русь” Т. П. Кананчук таксама павіншавала прысутных з юбілеем і ўручыла падарункі групе ветэранаў. Старшыня раённай арганізацыі Чырвонага Крыжа М. У. Даніленка выказала словы падзякі прадстаўнікам старэйшага пакалення за мірнае сёння, за працу на карысць раёна і ад імя абласной арганізацыі Чырвонага Крыжа ўручыла старшыні ветэранскай арганізацыі райпа М. І. Манжуравай дыплом і каштоўны падарунак. Прывітаў сваіх калег і ветэран Вялікай Айчыннай вайны Ф. У. Шкірманкоў, першы сакратар РК БРСМ В. Гарадзецкая.
Хочацца данесці такі момант, што ў той святочны дзень усе прысутныя атрымоўвалі падарункі. Бо канцэрт, падрыхтаваны самадзейнымі артыстамі раённага цэнтра культуры, таксама быў цудоўным агульным падарункам.
В. УЛАДЗІМІРАВА.
Фота аўтара

Добавить комментарий

Вы должно быть авторизован опубликовать комментарий.

*