Падчас летніх канікул у агульнаадукацыйных установах Слаўгарадскага раёна працуюць аздараўленчыя лагеры дзённага знаходжання, у якіх навучэнцы не толькі адпачываюць, але і займаюцца пазнаваўча-мастацкай дзейнасцю.
Супрацоўнікі раённага гісторыка-краязнаўчага музея таксама наведваюць гарадскія ўстановы адукацыі і прапаноўваюць навучэнцам знаёмства з гісторыяй мінулага роднага горада праз назвы вуліц і месцазнаходжанне забудоў у пасляваенны час.
З 10 чэрвеня ў музеі для наведвальнікаў арганізавана выстава “История города на кадрах старинной фотоплёнки”, на якой вучні другой гарадской школы з задавальненнем разглядвалі фотаадбіткі пабудоў па вуліцы Ленінская, потым падарожжа працягвалася па вуліцы Кастрычніцкая і пераходзіла на вуліцу Калініна. Некаторыя пабудовы захаваліся да сённяшніх дзён.
Напрыканцы музейнага занятка дзеці з задавальненнем рабілі сэлфі з прадметамі музейнага значэння.
Вера СТАСЕНКА,
старшы навуковы супрацоўнік.