ГОНАР І ПАВАГА – ХЛЕБАРОБАМ!

Марафон ушанавання перадавікоў жніва працягваецца на Слаўгарадчыне. На тыдні павіншаваць з намалочанай тысячай тон зерня працаўнікоў на палеткі выправіліся кіраўнік раёна Сяргей Міхалюта і в.а. старшыні райкама прафсаюза работнікаў АПК Людміла Гарцуева. За высокія паказчыкі на ўборцы зерневых 2020 года Падзякамі райвыканкама быў узнагароджаны экіпаж ААТ “Прысожжа” ў складзе Пятра РАМАНЦОВА і Сяргея КАЗАРЫЗА (на здымку ўнізе)і плённы тандэм ААТ “Зімніца” ў складзе Аляксандра МАЖЭЕВА і Аляксандра ПАПКОВА. Таксама лідарам хлебных ніў былі ўручаны Падзякі ад раённай арганізацыі “Белая Русь” і падарункі ад гэтага грамадскага аб’яднання.

Адзначаючы добрыя вынікі сёлетняй працы хлебаробаў, Сяргей Валер’евіч падзякаваў шчырымі словамі нястомных рупліўцаў слаўгарадскіх палеткаў, на плячах якіх ляжыць вялікая адказнасць за харчовую бяспеку землякоў.

Тэкст і фота Аксаны НЯМЦОВАЙ.