НА САМЫМ АДКАЗНЫМ УЧАСТКУ

Адно з найважнейшых мерапрыемстваў пачатка восені – сяўбу азімых яравых – пачалі аграрыі раёна. Вядома, што менавіта азімыя культуры з’яўляюцца падмуркам для будучага ўраджаю, таму справа гэта адказная і патрабуе якаснага да сябе стаўлення. Працаўнікі КСУП “Заранскі” разумеюць гэта і аднымі з першых прыступілі да сяўбы.

Падчас нашага наведвання прадпрыемства праца “кіпела” на палетках недалёкад Бязуевіч. Самую адказную справу – сяўбу – даручылі вопытнаму механізатару з вялікім стажам Сяргею ПІНТУСАВУ. Рабіць аснову будучага ўраджаю яму дапамагае “Беларус 3522” з прычапным камбінаваным пасяўным многафункцыянальным агрэгатам АКПМ-6. Як нам расказаў механізатар, гэтая сеялка дазваляе адначасова з пасяўным матэрыялам уносіць і мінеральныя ўгнаенні, што значна аптымізуе ўвесь працэс.

Жадаем Сяргею Леанідавічу і ягоным калегам паспяхова справіцца з даведзенымі заданнямі і правесці сяўбу якасна і ў адведзеныя тэрміны.

Тэкст і фота Аксаны НЯМЦОВАЙ.