У панядзелак на палетках ААТ “Ляснянскі Агра”сваю спякотную працу хлебаробам прыйшлося на некоторы час прыпыніць. І, на шчасце, прычынай перапынку стала не надвор’е ці сапсаваная тэхніка. Заглушыць рухавікі прымусіла прыемная нагода. Павіншаваць працаўнікоў з намалочанай  і перавезенай тысячай тон збожжа завіталі старшыня райвыканкама Сяргей Міхалюта, в.а. старшыні райкама прафсаюза работнікаў АПК Людміла Гарцуева і галоўны аграном таварыства Валянціна Чупрыкава.

Падзякамі за добрасумленную працу, прафесійнае майстэрства і высокія паказчыкі падчас уборкі зерневых культур 2020 года былі адзначаны камбайнеры Анатоль КАСЦЮЧЭНКА і Дзмітрый СОМАЎ, вадзіцель Уладзімір ГАРБЯНКОЎ. Таксама верныя “жалезныя коні” хлебаробаў будуць упрыгожаны вымпеламі і ганаровым надпісам “Лідар працоўнага спаборніцтва”, а самі працаўнікі заахвочаны грашовымі прэміямі.

Уручаючы лепшым працаўнікам прадпрыемства ўзнагароды, Сяргей Міхалюта падзякаваў герояў жніва за шчырую нястомную працу, адказнасць і самаадданасць на жніве-2020. Пажаданні і надалей дэманстраваць выдатныя вынікі і вывесці ААТ “Ляснянскі Агра” у лідары сельскагаспадарчай галіны таксама гучалі ў той дзень ад кіраўніка раёна.

Тэкст і фота

Аксаны НЯМЦОВАЙ.