Наша мова – самая цудоўная

Да Дня беларускай мовы, які  адбыўся 21 лютага біліятэкар Бальшазімніцкай бібліятэкі Шамалава Галіна сумесна з настаўнікам гісторыі Языковай Ірынай правялі  пазнавальную гадзіну «Самая цудоўная мова на свеце!». Сёння ў свеце шмат моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе. Для нас, беларусаў, роднай мовай з’яўляецца – беларуская мова.

Чалавеку трэба шмат чаго ведаць. Трэба ведаць сваю мову і іншыя мовы. Трэба ведаць свае казкі і казкі іншых народаў. Трэба ведаць танцы свае і танцы іншых народаў. Безумоўна, найлепш і найперш трэба ведаць ўсё роднае. Нам з вамі трэба ведаць найлепш ўсё беларускае.

А як нам лепш вывучыць беларускую мову? Трэба слухаць і гаварыць з тымі, хто ведае яе. Трэба глядзець телеперадачы, слухаць беларускае радыё, чытаць кнігі на беларускай мове. Трэба прыслухоўвацца да роднай мовы і назапашваць усё самае цікавае, што засталося нам у спадчыну. Трэба добра навучыцца валодаць беларускай мовы, каб перадаць яе у спадчыну сваім дзецям і унукам.

                                                           

Поделиться

Шамалава Галіна

Біліятэкар Бальшазімніцкай бібліятэкі

Добавить комментарий

Ваш адрес email не будет опубликован. Обязательные поля помечены *