Напярэдадні 35-годдзя чарнобыльскай катастрофы ў раёне праводзіўся шэраг сустрэч, галоўнай тэмай якіх стала тлумачэнне па пытаннях прадастаўлення грамадзянам, якія пацярпелі ад катастрофы на ЧАЭС, ільгот і кампенсацыі згодна з дзеючым заканадаўствам.
Раённае аб’яднанне прафсаюзаў разам з упраўленнем па працы, занятасці і сацыяльнай абароне райвыканкама ў мінулую сераду праводзілі такога кшталту сустрэчы з працоўнымі калектывамі Свенскай сярэдняй школы і селькага Дома культуры, з работнікамі ААТ “Слаўгарадрайаграпрамтэхніка”, жыхарамі аграгарадкоў Свенск і Рэкта.
Запатрабаванасць такіх сустрэч насамрэч ёсць. Сведчаннем таму стаў фармат, які не быў маналогам Святланы Дзенісенка ці Вольгі Івановай. Наадварот, падчас кожнай сустрэчы былі свае пытанні, свае праблемы. Адказы і дапамога на якія шукаліся адразу, тлумачэнні па кожнай сітуацыі былі зроблены спецыялістамі, не адыходзячы ад месца, як кажуць.
Работа ў гэтым накірунку, па словах Святланы Дзенісенка і Вольгі Івановай, працягнецца і надалей.