Ардэнаносныя маці і на Слаўгарадчыне

Ва ўрачыстай абстаноўцы кіраўнік раёна Сяргей Міхалюта ўчора віншаваў жанчын, якія ўзялі на сябе адказнасць: нарадзілі і займаюцца выхаваннем пяцярых дзетак.

Загад беларускага лідара №179 аб узнагароджанні іх ордэнам Маці зачытала перад аўдыторыяй Вольга Іванова, начальнік упраўлення па працы, занятасці і сацыяльнай абароне райвыканкама. А Сяргей Валер’евіч з кветкамі і шчырым віншавальным словам уручыў узнагароды мілым жанчынам. Работніца ААТ “Ляснянскі Агра” Юлія Гурэева, аператар машыннага даення КСУП “Наша Радзіма” Наталля Князева і сакратар вучэбнай часткі філіяла “Слаўгарадскі прафесійны ліцэй” Анжэла Пішчанка атрымалі заслужанае разам з авацыямі ў зале райвыканкама. А шэф-повар дзяржаўнай установы адукацыі “Яслі-сад №4 г.Слаўгарада” Таццяна Чабатар, якая таксама ўзнагароджана, атрымае свой ордэн крыху пазней.

Віншуем усіх матуль і зычым ім толькі шчасця і здароўя. Як і іх дзеткам, вядомая справа!