На рахунку валанцёраў другой гарадской школы ўжо нямала добрых спраў. Вось і ў чарговы раз яны не змаглі праігнараваць кліч аб дапамозе, у якой маюць патрэбу бежанцы. Адгукнуліся вучні, а бацькі іх падтрымалі. І пайшла справа.
У дабрачыннай акцыі з хэштэгам, які заклікае да дзеяння #НеЛянуйсяАПадзяліся, прынялі ўдзел вучні з 21 класа, пачынаючы ад першакласнікаў і заканчваючы селетнімі выпускнікамі.
Дзякуючы намесніку старшыні райвыканкама Вользе Васілеўскай, дырэктару РЦСАН Людміле Варанцовай і старшыні раённай арганізацыі Беларускага Чырвонага Крыжа Марыі Даніленка валанцёры другой гарадской школы на чале з педагога-арганізатарам Жанай Белавусавай даставілі адрасатам гуманітарную дапамогу ў выглядзе 10 прадуктовых пакетаў.
Шчырая падзяка людзей, якія апынуліся ў складанай сітуацыі, стала для школьнікаў лепшай узнагародай і дала магчымасць адчуць, што яны маюць дачыненне да добрых спраў.