Земляк прэзентавау сваю кнігу
“Мир – высшее благо, какого желают все люди на планете Земля”
Марк Твен
21 верасня адзначауся –Міжнародны Дзень Міру. З гэтай нагоды у Ржаўскай бібліятэцы-філіяле прайшла літаратурная гадзіна “Мір дзецям планеты Зямля”. Бібліятэкар Вольга Варэннікава не толькі стварыла сяброўскую, добразычлівую атмасферу для прысутных (а гэта былі вучні і настаўнікі ДУА“Ржаўская базавая школа”, жыхары аграгарадка і госці – пісьменнік-зямляк Кураленка Петр Іванавіч, былая выпускніца нашай школы Кураленка Ала Іванаўна і дырэктар Слаўгарадскага гісторыка-краязнаўчага музея Мельянцова Святлана Іванаўна), але і пазнаёміла з гісторыяй міжнароднага свята.
Галоўны акцэнт быу зроблен на сустрэчы з Кураленкам Пятром Іванавічам, аўтарам кнігі на рускай мове “Забытое знамя”. Пётр Іванавіч не толькі прэзентаваў сваю кнігу аб падзеях Вялікай Айчыннай вайны, якую ён напісаў у сааутарстве з сынам Дзмітрыем (псеўданім Улад Няпальскі). Ён чытаў вершы сына аб страшных падзеях 1941года, а таксама вешы-жарты для дзяцей. Госць адказваў на пытанні прысутных, расказваў пра сябе. З кожным разам гутарка з землякамі скіроўвалася да бібліятэкі – месца правядзення мерапрыемства, — бо яна таксама мае ўнікальнась: пабудавана і ўкамплектавана на сродкі вядомага земляка, генерал-маёра авіяцыі Якава Іванавіча Драйчука, якога ў весцы ўсе памятаюць і нават многія ўласна ведалі.
Сустрэча была цікавая, і не апошняя, бо, са слоў Пятра Іванавіча, да 9 мая ў друк выйдзе другая яго кніга аб жыцці землякоў – жыхароў весак Ржаўка, Молатаў і Прыволле.
Праз усе мерапрыемства чырвонай стужкай прайшло, што мір – аснова жыцця. Ніхто з людзей не можа быць шчаслівым, адпачываць і жыць у згодзе з самім сабой, пакуль мы не пакончым з нянавісцю. Усе прысутныя згадзіліся са словамі Марка Твэна, які пісаў: “Мир – высшее благо, какого желают все люди на планете Земля”.
