На падставе пастановы Прэзідыума Савета Федэрацыі прафсаюзаў Беларусі ад 09.11.2018 года №272 “Аб правядзенні справаздачна-выбарнай кампаніі ў членскіх арганізацыях і арганізацыйных структурах ФПБ у 2019-2020 гадах” пачалася справаздачна-выбарная кампанія ў прафсаюзных групах, цэхавых і прафсаюзных камітэтах, пярвічных прафсаюзных арганізацыях. Працягнецца яна да снежня 2019 года.

На тыдні ў зале пасяджэнняў аддзела па адукацыі, спорту і турызму райвыканкама адбыўся семінар-практыкум, дзе разглядаліся пытанні правядзення справаздачна-выбарнай кампаніі 2019 года ў АПК. Мерапрыемства для старшынь “пярвічак” арганізавалі раённае аб’яднанне прафсаюзаў сумесна з райкамам прафсаюза работнікаў аграпрамысловага комплексу.

Праводзячы лікбез, старшыня раённага аб’яднання прафсаюзаў Святлана Дзенісенка адзначыла, што прафлідарам неабходна валодаць ведамі і навыкамі для рэалізацыі правядзення справаздачна-выбарнай кампаніі, умець прымяняць іх у адпаведнасці са Статутам і патрабаваннямі часу. Пры правядзенні кампаніі абавязкова кіравацца Інструкцыяй па правядзенні справаздач і выбараў прафсаюзных органаў, іх кіраўнікоў, таксама Інструкцыяй па правядзенні прамых усеагульных выбараў старшыняў першасных прафсаюзных арганізацый, зацверджаных Пастановай Прэзідыума Савета ФПБ 10.12.2019 г. №333.

Тэкст і фота

Святланы БЯЛЯЕВАЙ.