ПРЫВІТАННЕ, КРАСАВІК!

Красавік – не сакавік,

Ён паўнамоцны прадстаўнік

Вясны доўгачаканай.

Сокам поўняцца бярозы,

Зелянеюць вербалозы,

Першыя пралескі зацвілі.

Красавік не бавіць час,

Ён хараства навокал нас

Шчодра прыбаўляе.

На падворку, ля людзей

У падстрэшшы верабей

Гняздо сваё ладзіць.

А на яблынях шпакі

Шпакоўні аглядаюць,

Што ўсё ў парадку ўнутры,

Спевам аб’яўляюць.

А пад вечар, як цямнець пачынае,

Наваколля свой агляд

Вожык пачынае.

На палетках трактары

Не змаўкаюць,

Ніву хлебную вяскоўцы засяваюць.

…Вось такі ён – красавік,

З усіх бакоў прыгожы,

І прыбаўляе шчодра нам

Дзень – падарунак божы.

Фелікс ШКІРМАНКОЎ.